Harsatnak na ton tikah mikip sin ah va chim hlah,

Minung  khat le khat kan i lo cio lo. Thinlung in a kan dawmi an um bantukin lungchung a kan rem ziar lomi an um ve. Cucaah zeibantuk harnak le buainak na ton tikah minung kip kha chim hna hlah. Nangmah le nangmah retheih naa pek chin a si.

A tanglei tuanbia hi vun rel hmanh, ca pakhat ka relmi kan hrawmh chin.

Voikhat ah zawng pakhat cu thingthei a einak ah thingte nih a hrian i hma a hmu ai, cucu um ko lo ziar loin a hmuhmi a hawile zawng kip  a hmuh ter hna. A hma cu a hmete si. Sinain zawng kip nih an zoh piak. An tongh piak thulh. A hma cu an tuai piak cio tikah a donghnak cun ahma cu a ngan chin thluahmah i a thi beh. A hawile rak zoh ter lo in um sehlaw a thi hnga lo. A hawile nih an tuai piak nak ah a hma cu a ngan chin i a thih piaknak si.

Chim duhmi cu thil pakhatkhat kongah harnak  na ton tikah chimh phun le chimh lo phun minung na theih a herh. Na pawng ummi poh kha na harnak chim hna hlah. Zawng bantuk in na hma an tuai lai i a ngan chin lai a donghnak ah  na thi ve sual lai.

Buainak le harnak cu na chim deuh lai a ngan deuh lai,  akarh deuh lai i a hnu cu na tuar kho ti lai lo. Cucaah zeibantuk harnak le buainak na ton tikah nangmah kha no. 1 na si philh hlah.