Fawi tein fa ngeih ning

Rang te fa ngeih na duh maw? Rang te fa ngeih na duh cun a tang lei ah rang te nau ngeih khawhnak kan langhter. Cucu vun zoh hmanh. Mi cheukhat cu kan dam ko bu ah nu nau a ngei kho lomi kan um hna. Cheukhat ve cu anmah duh zong si lem loin fawi tein nau an ngei thluahmah ve fawn. A zeipoh si ah nau rianrang te ngeih duhmi na si cun a tanglei thil hna hi  tuah a herh. Fa, nau timi hi chungkhar pakhat nuamhtertu le nuva kar dawtnak hri feh tertu a si ve. Phunkhat cun fale hi Pathian laksawng an si. Cucaah na dam ko i rianrang te fa ngeih na duh cun hi pawl hi tuah hna..

Rithaisii, zuakhmuam hrial bak: Sii tha lo pawl, sii tha lo chunhmi siseh kuak, khaini pawl hi fa ngeihnak dawntu an si. Cu ti ti tikah hi bantuk zuakhmuam  tawngmi poh nau an ngei kho lo tinak cu a si lo. sinain hi bantuk thil tha lo hna hi fa ngeihnak dawnkhantu an si. Fa ngeih na duh cun hi zuakhmuam pawl hi hrial ta law siibawi sin ah kal hmanh chikhat ah nau na ngei lai.

Nu thi rat caan theih i pahnih lungtling tein nupa sinak tuah: Nu hi a tlangpi in thla khat ah voi khat an thi a ra. Nau ngeih zawk na duh cun na nupi thi rat nikhat nak khan rellaw ni 14 chung tiang kha a ci a thawn lio caan a si caah cu caan te cun nupa ih khawh i zuam uh. Pa ci hi suimilam 48 in suimilam 72 tiang a nung i nu ci tu cu suimilam 12 in 24 tiang a nung ve.  Cu caah nu thi a rat in  ni 14 chungah ni lak in ih ti ah a tha bik.

Nurse te sin ah i piah. Kum 35 cunglei nu pawl cu nau ngeih a har hrimhrim. Cucaah nau ngeih zau na duh cun Nurse te sin ah kal law a herhmi sii ai hna din piak. Cun Folid Acid zong din piak peng.

Lung nuam tein na um a herh. Lungretheih le hna bei dong um nak nih nau ngeihnak a donh khanh ngaingai. Cucaah nau ngei zau ning ti na duh cun lung nuam te um khawh i zuam. Minung kan lungretheihnak nih kan ci tha a der ter ti si. Ref:Healhthy pregnancy

Be the first to comment

Leave a Reply

Your email address will not be published.


*