Fanu A Hrin Ruangah A Pasal Te Chung Nih An Thah

India ram ah hin fanu hrin ruangah ah mi tampi nunnak a liam cang. A hlan chan hrim hrim ahcun fanu cu an paw chung an um lio bakah thah an si tawn nain a tu hrawng hi vu an ruahnak aa thleng pah i an i rel ngai nain thawngpang cu theih awk a um peng rih ko.

Kan hnu zarh te ni ah khan India ram Haryana state ah nu pakhat Chanchal an timi kum 26 nu cu a ruak an suan cuahmah lio pi ah nu i a pa Vinod Kumar cu palik pawl he an rak phan i palik pawl nih cu nu ruak a suantu Amit ( a pasal) le a chungkhar pawl cu an tlaih hna.

Vinod nih a chimnak ahcun ā€œ zarh te ni zaanlei ah minih phone in an ka chawnh i na fanu kha a pasal le chungkhar nih a ruak an suan cuahmah ko an ka ti, cu le caang ka cu anmah nih an thahmi si ti ka hngalh a ruang cu ka fanu nih nu a hrin thawk hin an tuk an velh zungzal cucaah palik pawl ka auh hna i kan rak ra ā€ tiah a chim.

Amit le a chungkhar pawl cu chim awk hngal loin ar ko in an um. Palik pawl nih an hal hna tikah Amit nih zing ka thawh kaa in a thi cia im a ih hi ka hmuh tiah a chim nain palik nih am chimmi lih a si an tlaih tuk i Amit cu an tlaih cawlh i thong an an thlak.