Ngakchia phone lenh le tuaiter tih a nun ning

Nu le pa hna nih kanfa le an tah caan ah, an hnangamnak dingah phone kan zoh ter mi hna hi tihnung taktak a si. Fa le dawt si loin kan thah or hrawh hna a si.  Phone kan tuai ter mi hna hi caan rauh deuh cun phone nih a suai (attractive) hna. Phone loin an um kho ti lo. Duhsah tein an sining aa thleng. A fawinak chim ah cun phone nih an nun a tlaih/a uk hna. Cu caah kan fa le lungfim rihlo mi hna hi phone nih a uk sualnak hnga lo nu le pa nih phone pek tuk lo hi a biapi tuk. Phone hman ruangah that lonak a chuah pitu thil pawl a tanglei ah tlawmpal kan langh ter.

Image result for phone with baby pictures

Nu le Pa he pehtlaihnak thazaang a der. Ngakchia Kum10 tang nih hin nu le pa he neihniam ten umtti le hmunkhat ten umtti hi an herh tuk mi a si. Sihmanhsehlaw phone ruangah nu le pa he nuam tein umnak caantha kha phone zohnak, game celhnak ti bantuk an hman tikah, chungkhar sining, nu le pa dawtnak an i fiang lo. 

Mitfahnak A chuahter. Phone tonghnak nih damlonak phunphun a chuahpi. A hlei in mit caah tih a nung. Ngakchia an si tikah, phone ceu mi nih fawi tein an mit le an thluak a hrawh hna. Cucaah nu le pa nih ngakchia phone tongh ter hi i ralrin kan herh.

Related image

Hawikom biakchonh nak ah an chanbau. Phone a tuai deuhmi ngakchia cu hawikom he lentti, umtti can ah phone an tuai i,an nunnak nih hawikom nak in phone a herh deuh tiah an ruah.

 

Umtu Ziazaa Aa dang.Phone atuai deuh mi ngakchia cu Pathian Bia theihnak zongah hawi theihhngalh zat an thei hngal kho lo.  An um tuning zong hawi bantuk an si lai lo. An rak tuah tawnmi thiltha zong tuah an duh ti lailo (E.g Bible rel, church school kai, thlacam) ti bantuk ah an chanbau cang.. An thinlung le an ruahnak vialte kha phone ah an chiah cang caah an umtu aadang.

 

 

Be the first to comment

Leave a Reply

Your email address will not be published.


*