Fa chuak ka an hlonhmi cu Traffic palik (PK) nih a nung tein an char

Mi nunnak van lai tla ti kha si ko, minih an hlonh i Uico nih bur tangah a tlik pimi ngakchia chuak ka cu PK pathum nih a nung in an char. Uico nih ngakchia an hlonhmi cu a char i bur tangah a luhpi heh tiah a tap ve, cucu PK pathum nih ngakchia tah cu an theih tikah bur tang an va zoh tikah cun uico nih  a rak tuai len ko.

Hihi nihin Nov.2 zanlei ah India ram khuahlipi Delhi ah a cangmi a si. Africa Avenue timi lam cawng PK nih ngakchia tah cu an hna thlam in an theih, heh tiah an pawngkam cu an kawl i ahnu ah lam pawng burbuk tang an zoh tikah cun uico nih ngackhia chuak ka nute cu a rak thut pi ko. Zawkzawk in an lak i Delhi Police Control Room an chawnh hna cu hnu ah Safdarjung Siizung ah an kalpi.

Tha tein siibawi te nih sii-ai an thlawp i a tu cu a tha cang thinphan ding um lo an ti. Ngakchai nu PK nih an chanh hi nihin zanlei India caan in suimilam 4:00 tluk ah a si.

A chantu PK Traffic Police hna hi RK Khanna Tennis Stadium kam a hngakmi hna an si.  Mah ngakchia nu zong cu pohma 317 in palik nih case an file cang.  A hmutu PK hna cu Anil, Amar Singh le Parveen an si hna.

Ref.NDTV