Eleven Media Minung 3 An Thlah Cang Hna Nain An Thinphan Dai Rih Lo

Ni zaan ah Eleven Media Group i riantuan minung 3 hna cu thonginn chuah an si cang nain a zungzal caah a si lo, caan karlak ca te lawngah a si.

Hi hna 3 i an sihni pa nih Yangon cozah pawl cu a mawh chiat hna a ruang cu hi hna 3 cungah case an sermi hi an hlo duh lo i cun president U Win Myint nih a chim bangin Myanmar Press Council pawl zong an thlakter duh hna lo.

Kan hnu ah khan U Win Myint nih Yangon cozah pawl cu kawlram zulh phung ning bantuk in Myanmar Press Council pawl he hi hna 3 kong ah hin remnak ser an i zuam hmaisa awk a si a rak ti nain Yangon cozah pawl nih cu cu tuah loin hi hna 3 nih hin ngaihthiam an kan hal awk a si ti tuin an leh.

Hi hna 3 hi nizaan ah khan thonginn cun an chuah hna nain an thinphan a dai rih lo a ruang cu an case hi a dih rih lo i zeitik poh ah a tla kho tthanmi an si.

Source: theirrawaddy