Egypt Ram Ah An Fanu Te Tipil Innak In An Kirlei Ah Thah An Tong

Nizaan ah Egypt ram ah chungkhar pawl minung 28 hna cu biaknak lei in tuahmi tipil innak ah ramcar i biakinn pakhat an kal hna i cu ka cun an phung bantuk in an fanu chuakka te cu tipil innak an pek.

Cu an dih in an kir i an kirlei ahcun terrorist pawl nih lam ah an rak kah hna i minung 7 an thi i minung 6 fak ngai in an i khawng. An fanu te a thih le thih lo hi cu aa ttial lo. Cu lawng si loin an hnu in a rak rami bus dang ah minung 13 bak fak tak in an i hliam ve tiah an ti.

Egypt ram i media pawl nih hi a kap tu hna hi ISIS pawl an puh hna a si nain a si tak tak le tak tak lo cu an fianh kho ve lo. Hi thawng pang an vun theih le caangka in cozah pawl nih an va kal hnawh hna i an va bawmh hna.

Hi ka lam ah hin kum 2017 lio ah khan ISIS pawl nih khrihfa minung 28 khual a tlawngmi an rak thah bal cang hna tiah an ti fawn.