Duhnak mitcaw (love is blind) timi hi a dik tak ko rua

A mui aa dawhmi lawng, catang ngeimi lawng, ngeihchiah chawva tampi ngeimi lawng a duhmi kan um hna. Cu lakah cun tak vun nah le raan, sifah le rum, thau le der, catang ngeih le ngeih lo a zoh bak lomi tampi an um ve thiamthiam.

Mi tampi nih an chim theomi cu duhnak cu mit a ngei lo siloah duhnak cu a mitcaw an timi hi a dik taktak. Mi thenkhat cu zeitluk pum tling lo te an si zongah thih ti ding in a thimmi an um ko.

Kawp thenkhat cu nu a mui aa dawh tuk nain pa a pum tling lo tibantuk, pa cu aa dawh tuk a rum tuk fawn nain a nupi cu sifak te si ti bantuk an um.

Vawleicung ah sining aa khat lo bakmi an thi ummi an tampi hna. Cucaah kan chim pengmi duhnak hi mit a rak ngei taktak lo ko. Mi pakhat nih a dang pakhat a duh cang hnu cun a chanbaunak kha a hmu ti lo.

A sifah le santleih lo nak zong a hmuh pak thiam. An kar ah khenkhamtu an um ti lo. Hi bantuk minung pawl hi nuam tein khua an sa am. Kannih lenglei muisam a thlir tukmi hna tu hi anmah bantuk in kan tluang lem lo.

Nuamhnak le lawmhnak timi hi lenglai muisam dawhnak ah a rak ummi a si lo. Chunglei nun in a rami a si ti cu a fiang. Mah belte duhnak taktak ngeih phut a hau ve. Duhnak a um ko cun chanbau nak hna cu maimilh  khawh a si .