Duhnak A Rak Tthawn Ning Hi, A Siangpahrang Fanu Sinak Tiang A Kaltak

Japan ram in siangpahrang chungkhar i an fanu a simi Princess Ayako cu mi sawh sawh a vaat ruangah a siangpahrang fanu sinak a kaltak a hau.

Hi kum 28 nu hi siangpahrang Akihito i a tunu a si i hi nu nih hin siangpahrang chungkhar a si lomi pa kum 32,Kei Moriya a vaat caah a siangpahrang fanu sinak cu an phung ning in a kal taak i princess tiah auh a si t in lai lo.

A sullam cu a princess sinak in hlawknak le upatnak a hmuhmi vialte kha hi lenglei mipa a vaat caah a kaltak dih a hau. An i tthitumnak hmun hi hi princess Ayako i a pa puchin siangpahrang Meiji inn ah a si.

Princess Ayako nih hi thil a tuah ruang i a lawmhnak cu mipi sinah a chim. A hlan ahcun siangpahrang chungkhar nih a lengleimi rak tthit le vaat a ngah lo nain a tucu chan aa thlen bantuk in an phunglam zong aa thleng cang.