Donald Trump Nupi A Lo Tukmi Model Cu Video Ah Taklawng In A Laam Ruangah A Nunnak Lakding Tiangin Tlerh A Tong

Donald Trump nupi Melania Trump he a lo tak takmi model pakhat cu American rapper a laar ngaimi T.I music video ah a taklawng in a laam caah Donald Trump a ttanhmi mipi pawl nih an tlerh i a nunnak tiang laak dingin an tlerh.

Kehlei hi Melanie Marden, orhlei hi Melania Trump

Hi an tlerhnak a ruang hi amah i Melania Trump a lawh ruang le taklawng in a laam ruang lawng ah si loin an music video tuah daan hrim hrim ah hin Melania Trump an serhsat ti a fiang tuk. A video ahcun T.I cu president tthutnak ah a tthu i model nu nih a rat hnawh i a thil aa phoih dih i a taklawng in a laam hnawh.

Hi video kong ah hin Melania Trump kut tang rian ttuan nu nih a sawisel ve i cu cu model nu Melanie Marden nih hin a mak a ti ngai te. A chimnak ahcun “ hi video kong ah buai loin thil dang cancer hei ti ( cancer a tinak cu Donald Trump pennak a chim duhnak a si) ah hin buai deuh hna seh ” tiah a ti.

A peh rih i “ ni fatin hi mipi nih thahnak le nawnnak message an ka kuat peng nain ka th uh n a phang hlei lo ka rian si i ka tuah ko director te nih tuah an ka ti ningin ka tuahmi a ai ko caah hi rian hi ka thlah lai lo i ka hawi le he hin cancer hi kan doh peng ko lai ” a ti.