Delhi Ummi Caah Ttihnungmi Ralrin Peknak

Kan theih lo sual ah Delhi hi vawleicung ah thli a thurbik nak khua a si tiah WHO ( World Health Organization) nih kum 2016 lio ah an rak ti. Cu hnu ah a thli thur zat an rak tah i an rak ruahnak in 66% bak a let in a rak thur hi ruangah hin Delhi ummi kan i ralrin awk a si.

Kan dawpmi thli hi a thiang bak lo a hlei in khiasik a vun tlak lai hrawng ko ah hin thli hi a thur khun a ruang cu hi caan hi Delhi pawngkam Punjab le Haryana ah an lo ngan pipi an khangh lio hna caan a si i hi a mei khu pawl hi Delhi lei ah an rak ra dih.

Cun Hindu pawl caah puai nganbik Dewali caan a si i hi puai ah hin phang phang an puah hna i hi nih hin thli a thurter chin. Hi thli kong ko ah hin Delhi cozah hi an buai tuk. Diwali ah phang phang puah an khamh nain an khamh kho tak tak fawn lo, thli cu a thur chin ko.

Ttih a nung tuk, zaanlei hrawng i khua dawm kan hmuhmi hi khua dawm a si lo thli a thur tuk ca tu ah khua dawm a lo oh a si. Hi ruang ah hin kanmah le mah i vennak caah leng nan chuah poh ah hmaikhuh i khuh u tiah cozah zong n uh h an aupi len. A man zong a fak lo kan taksa ngandamnak hi ruah pah cio hna usih.