CNF ralkap tleihmi hna cu case file an si cang

A tlawmbik kum 3 thong an tla kho. CNF lei nih an fehtermi le fianhnak an tuah rih lo nain anmah Kawl cozah lei thawng zamhnak cun KIA zungpi Laiza ah raltuk training a kai i Yangon ah a zammi CNF pahnih cu tleih an si. 2017 September thla in CNF ah an lut i thla 4 tluk training an kai hnu Bolawng an kai hlan deuh ah an zam i Yangon ah tleih an si an ti.

Mah CNF tleihmi hna cu kum 20 tluk an si. Dagon Myothit thlanglei Tungkhuah Yatkwet A hmat 2 lam Teik inn pakhat chungah an tleih hna. Salai Naing Tun le Aung Yan Lin an si ti si. Yangon Dain Yeuk Kyaw Win Naing nih ramtang minung or tapung case in pohma 17 ningin Oct.23 khan case a on cang.

Mah an tleihmi hna hi Bolawng training kai ding an si, training an hngah lio ah an zuam ti lo i an zam. Yangon ah University kan kai than lai tiah an ti.

Hi konghe pehtlaiin CNF lei hruaitu Dr. Lian Hmung Sakhong le Dr. Sui Khar cu RFA nih an hal hna nain zei biafiang theihmi a um rih lo. CNF an si le si lo zong theih a si rih lo. Thil sining hlat hnu ah bia fiang thanh a si te lai tiah a ti.

Ref. RFA