Chinram Paletwa ah Chin pa cu mind nih puah i a cei taktak thih bawh in um

Mah vawlei le ram cia ah atu bantuk sual huah cu  lung a fak taktak. A ho nih an chiah  ti theih lomi mind nih Paletwa pa pakhat a puah i a cei taktak. Atu hi thih bawh bak si. A hmai zong a rawk dih an ti.

A min ah Huih Thang kum 35 a si.  A hawile 4 he Oct. 23 ah khan mehhaang kawl ah ram an riak hna. Ram an riahnak in Oct.29 nizan ah an kir i an kir lei ah nizan zing lila suimilam 11:00 tluk ah Huih Thang nih cun vawlei mind an chiahmi cu a lamh sual. Cu tikah mind nih a puah hi a si.

A hawile 4 nih cun khuachung khuami an auh hna hnu ah zanlei suimilam 4:00 tluk ah khua an phanh pi. Khua in suimilam 6 in an chuah pi zankhuadei lang in an put i nihin Oct.30 zing ceo ah sizung an phan.

Atu tiang dirhmun ning ah cun a hmai hi a rawk dih ti awk si, cun a kehlei kutdong pawl , a ke ah hma fak a um fawn. A cei taktak khi si.

Huih Thang hi fanu fapa 6 ngeimi a si. Atu hi Paletwa in sitwe siizungah an kalpi nain phaisa lei chanbaunak tampi a ngei ti si.

Ref. Alliance of Chin Refugees