China Biakinn Cung I Vailamtah Tung Pi Cu An Hrawh Riangmang Ko

China cozah nih Wenzhou peng i biakinn pakhat St. Michael Church an timi pi cung i vailamtah tung pi cu October 11ah khan an hrawh/ an tthial riangmang ko tiah thawng theih a si i China ram ah zumtu tampi an mithli a tla.

Tuluk cozah nih hin an ram ah Khrihfa an karh chin len ko hi an hmuh tikah an thin a phang i zei le zei dek, Khrihfa pawl thin phan/ngeih chiatnak hi a tu le tu an tuah zungzal ko. Hi biakinn cung i vailamtah tung tthial zong hi kum tampi chung an rak tuah cangmi a si. An ruahnak ahcun Khrihfa siseh Muslim siseh an biaknak hi anmah tuluk nunphung he a kaih bak lo tiah an ruah.

Tu thla chung lawng hmanh ah hin biakinn vailamtah tung hi 3 bak hrawh a si tiah theih a si, hi vailamtah tung hrawng lawng si loin biakinn zong an hrawhmi a tam ngai cang, kan hnu july thla zongah khan palik 20 hrawng bak nih Liangwang Catholic Church cu an rak hrawh cang i a tuhi kan Khrihfa unau pawl an mitthli a tla len ko an caah thlacam daithlang hlah usih.