Chin ram khuapi 5 ah Nylon Kattya phah an timh atu Falam ah an phah lio

Falam khuachung ah Nylon kattaya an phanh cuahmah ve cang. Chin ram ah Hakha Falam telh in khuapi dang 5 Thantlang Tedim Mindat  zongah phah an timh tiah theih a si. Falam khuachung Nylon Kattaya phah cu March zarhkhatnak in an thawk. Tam lak te an phah manh cang. Nylon Kattaya phah nak dingah 2018-19 Budget ah 775.257 Millions hman an timh i tukum ruah a tlak hlan ah dih ding in timhlamh nak kan ngei tiah Falam Sohlohzi zunglei nih an chim.

Falam Sohlohzi zunglei in Pi Sui Ngun Tial chimmi cu tukum ruah a tlak hlan ah kan dih ko lai. Nylon cu thap hnih in phah ding a si i atu hi a thapkhatnak cu kan lim pah ko cang. Meng 2 phah dingah meng 1 cu a dih cang tiah a chim. Kalay in Falam khua luh ka in Hakha lei tiang phah dih ding a si. An phahmi Nylon Kattaya cu thap khatnak ah lehmah 1 le cheu chah a si a thap hnih nak ah lehmah 1 le cheu thiamthiam si lai i lehmah 3 a chah lai tinak si hnga. 

An phahmi a kauh hi pee 20 si lai. 2017 kum in Nylon kattaya phah cu an rak thawk i Hakha ah an rak phah. Tukum in Falam ah an phah colh than. Tukum chung phah ding an timi le an Budget ning cun Falam dih hnu in Hakha ah meng 3, Thantlang ah meng 1, Tedim ah meng 1 le cheu, Mindat ah meng 1 tiin Myo pangat ah phah an timh i a dih dingmi phaisa hi Ks. 4678 millions a si lai an ti. Ref:Zalen

Be the first to comment

Leave a Reply

Your email address will not be published.


*