Breaking: Philippine ah thlichia hrang minung 6 an thi

Philippine ram chaklei ah Typhoon thlichia hraang, ruah fak tuk a sur fawn caah vawlei hmun tampi a min. Hi Typhoon thlichia hraan ruangah a tlawmbik minung 6 an thi, khua 1000 leng a rawk i inn le lo ngei loin minung tampi an um hna.

Atu tan thlichia nih a hrawhmi hna khua pawl hi kan hnu thla ah khan thlichia thiamthiam a hrang i minung a lotlaumi an rak tam ngai cang nak hmun si.

Tutan zongah ruah fak a sur ruangah cozah zung le company tampi an cim. Inn cim mi nih minung 20 tluk a hren hna tiah anmah cozah lei thil hlattu lei nih an chim.

Inn tampi a cim, vawlei zong a minh caah mei tung pawl zong an tlu , meihri an cat i michamtu Kesezi pawl nih duhduh in rian an tuan kho lo an ti.

Kan hnu September thla lio zongah khan atu tan thlichia a hrannak hmun hi thlichia ahrang i minung 100 an thi cang.  Thlichia hran ruangah minung 1000 leng umnak an ngeih lo caah cozah nih caan kar i dornak kesezi sakhan a pek chung hna. Cu ah cun an um hna.

Ref. RFA, AFP