Biaknak Cu Minung Nih Pathian A Kawlnak A Si

A ngeih a chiat caan ah hnemtu ai lomh caan ah lomhpitu a mah nakin thil a tuah khotu Pathian a um hrimhrim lai tu cu minung nih a zum khawh taktak ko.sihmanhsehlaw harnak nganpi a tawnmi cucu pathian cu khuazei ah dah a um?zeitindah ka tawn khawh lai?zeitin dah a lung ka awih khawh lai?timi hna cu a thei kho ti lo.cucaah minung cu Pathian ah ai thawh.

1kor.2:7 le Efes.1;4le 1peter.1:20 Gen.12:1 Gen.4:25-26

Mah bible cathiang chungah fiangtein hmuh khawh an si,Sindartha Gauttama zongpahrang in le a nupi fale tiang kal takin Pathian kawl ah ai thawh.Siangpahrang fapa nih zing le zan a thaw bik eidin ai thleng lengmangmi Gauttama cu a kawlmi pathian hmuhtonnak ah rawl a ul ciamman i vawleicung ah rawlttam bikah thim khawh tiangin rawl a ul.catialtu hna nih an tialmi hi an perh hlei deuh a siloahcun Gauttama pawvun cu keng ruh ah ai benh dih ngawt cang tian an tial,hi tluk in Gauttama nih Pathian a kawl.

Cawlcangh khawhnak thazang zeihmanh a ngei tilo i hmawngkung i hngauh in a tthut ko liah ai hngilhmi an i hlau bantukin hun i hlau i atu cu ceunak i ceuhmi ka si cang ee,tiah ati.phun dangin chim ah cun,ka kawlmi ci ka hmuh cang eemtinak a si ahohmanh nih na hmu hrimhrim lo an ti kho lai lo i,kannih zongnih kan ti khi lai lo.Gauttama nih a kawlmi cu a hmuh bak ko.Gauttama nih a hmuh mi pathian cu zei Pathian dah timi zong ahohmanh nih kan theihpi kho lo.

Nihin niah a mah hnu a zultu hna zong nih an theih khawh lo caah Gattama nih a hmuh mi pathian kha bia ti loin Pathian ka hmuh a titu Gattama tu kha pathian tiah an biak lehlam.kawl hna nih Gauttama phaja ti cu an kaa he ai rem ngai.Gauttama i a hmuhmi kha maw phaja an ti,ti zong kannih chim lo,a titu hmanh nih an thei kho thenglo.sihmanhsehlaw thil pakhat a fiang ngai mi cu Gauttamah nih pathian a kawl i a hmuh tihi a si.

Gauttama nih pathian a kawl bantukin,Arab chawlet mirumpa Mohamed zing nih a chaw le inn le lo kal takin tlang cungah pathian kawl ah ai thawh i ani tamnawn a rauh hnuah a kawl mi pathian cu kahmuh i keimah hi a thlahmi Profet ngan bik cu ka si.a mah nih ttial cia in ka kut ah cauk a kepek tiah a ti i,nihin ah Arab vawleipi le vawleicung ka kipah Mohamed nih a hmuhmi pathian cu an biak.

Cucaag mah hna miphun pawl nih hin,Jesuh hmanh hi Pathian thlahmi profet pakhat a si tiah an zumh.a mah belte Mohamend hi pathian thlah mi profet an bik a si tiah an zumh tikah,Mohamed nakin Jesuh a ngan deuh ti cu an zum kho hrim hrim lo.

Vawleicung i Biaknak dangdang kan nih Laimi pipu hna biaknak zong kha minung nih pathian a kawl i a hmuhningtein an biak cio.Hakha nih Rungtlang ah pathian a um tiah an ruah lioah Thantlang lei nih Rarau tlang ah a um tiah an ruah i,mizo hna nih rih tidil ah pathian cu a um tiah an rak ruah.khua kipah an tlangbawi hna nih Pathian a um tiah an hmuhnak le an ruahnak zong ai lo loh.