Biakinn ngan taktak kaang

A poi tuk ko. Tuanbia tha tuk ngeimi Khrihfabu ngan taktak zahan zan ah a kaang. Zahan zan ah France ram khuahlipi Paris khua lai fang ummi Notre Dame Catherdral biakinn pi cu a kaang ai. Biakinn cu  a rawk ngaingai nain tuanbia bantuk an i zohthlami inn par sang (tower) pahnih cu a kaang ve lo. Tha tein an ven khawh ve. Anmah Paris meithat hna chimnak cun biakinn a kangh ning cu a fak ngai nain a biakinn rawk dih lak in kang kho loin meithat nih heh tiah kan run khawh tiah meithat lei bawi Jean Claude Gallet nih a chim.

Zahan zan mah biakinn kangmi hi kum zabu 12 lio ah an rak sakmi a si i biakinn cung lei in mei kangh hram aa thawk tiah an chim. Biakinn parcih vialte an rawk dih cikcek cun cung dot zong a rawk biakinn chung thilri tampi zong an rawk len mei nih a kangh hna tiah biakinn lei tuanvo ngei Andre Flnot nih a chim.

Zahan zan ah mah biakinn kaangmi cu meithat minung 400 leng nih an zuanhnawh ve. sinain mei zeitindah aa thawh ning ti cu fiang in an thei kho lo. Micheu khat nih cun biakinn hi a hlun tuk cang i remh siam a herh caah asi ko lai tiah an ti ve. Mah biakinn kangh caan i zahan zan suimilam 7:00 tluk in mei kangh hram aa thawkmi si. Turmp tiang nih a ngaihchiatnak cu a pumpak twitter cungah a tial len ve. Ref: VOA

Be the first to comment

Leave a Reply

Your email address will not be published.


*