Bank damiah teih tu Kawl Ralkap bawi pakhat an tleih

Ralkap bawi pipi zong hi zeitindek an rak si ual. Hramhram in mipi thil chuh le lak, fir an hmang ve. Nizan May 24 ah Kachin ram ummi Kawl ralkap bawi Tatciatci pakhat nih Bank ah damiah a teih, phaisa tamlak te a lak i a zam. Sinain a zam tlawmpal ah an tlaih colh ve. Atu cu palik sakhan ah an hren ko. Hi thil hi nizan ah kachin ram Bamaw Myanmar Sipuazi bank ah a cang mi a si.

Zanlei suimilam 3;00 tluk ah Ralkawp Tatciatci Thet Paing nih U Thein Ko Manager tuannak Myanmar Sipuazi Bank cu a luh hnawh hna i Bank Counter 4 thumi Ma SanSan Tun cu hramhram in phaisa a hal. Heh tiah a tlerh khonh rih. Cu ti cun phaisa cu ting 50 in an pack in 3 bak te a lak. Phaisa a lak khawh sin ah ralkap cu a zam. 125 cycle nak muici i cit in a zam diam.

Cu ti ralkap pa nih counter thutmi nu phaisa a chuh thawngpang cu Bank manager pa nih a zungkhan in a theih tikah a chuak i a hal hna tikah phaisa cu ting 50 in thohmi thoh 3  alak ti si. Cu ti cun Bank manager pa nih Bamaw Palik pawl a chonh hna i mipi he i bawm in phaisa damiah teihtu ralkap cu a phaisa he Bamaw khuachung lile ah an tlaih khawh than. Atu hi Bamaw Palik sakhan nih a hmuh an phunh piak. A caah tihnung ngaingai si. Bank a luh lio ah hin ralkap a si an thei lo. A mithmai aa khuh dih. Nam aa ken Damiah teih khin a tuah hna. Ref:kachin updatenews