Bangladesh ram zammi Rohingya pawl Kawlram an kir than lai

Bangladesh ram ah a zammi Rohingya pawl cu caan rau lo teah Kawlram an kir than hna lai. A rauh hlan ah a voikhatnak ah minung 8000 an kir lai tiah anmah Bangladesh lei vuanci pakhat nih a chim. Sinain Kawlram lei upa te nih an khiah ve nak cun nikhat ah minung 300 thluahmah in cohlan si lai. Kir khawh si cang ko, timhcia kan si  tiah an ti ve.

Sinain zeitikset ah dah kir hram an i thawk lai ti cu theih a si rih lo. Belgium ram tuahmi Asian le Euro ram uk pawl tonnak ah Bangladesh vuanci pakhat Ah Mahmood Ali nih cun caan rau lo teah Rohingya ralzam 8000 cu voikhatnak ah Kawlram an kir kho cang lai tiah a chim.

Sinain hi 8000 kir nak ding kong he pehtlaiin  Kawlram lei upa te chimnak cun aa kalh ngai. An nih nih cun nikhat ah minung 300 lawng cohlan dingin biakhiahnak an ngei ve cang.

Cun hi 8000 kir ding timi ah hin check hlainak kan tuah cang , minung 500 tluk cu kan check dih cang hna a dang zong hi check thluahmah an si ko. Zeicahtiah micheu cu kawlram mi an sinak le an umnak tehte pakhat hmanh an ngei lo. Mi thenkhat cu zeihmanh kawlram mi an sinak fehtertu a um lo caah check khawh zong an si lo. Sinain 500 tu cu cohlan awk an tha ko cang tiah Kawlram lei upa hna nih VIA news sin ah an chim.

VOA