Aung San Suu Kyi Cu A Upa Aung San Oo Nih An Nule Pa Roh Takmi Inn A Cuh

Atu tan he hin a voihnihnak si cang. Aung San Suu Kyi Upa Aung San Oo nih Aung San Suu Kyi a umnak a nule pa roh takmi inn cu a cuh than hoi. Hlan ah a rak cuh cang nain a sung. Yangon Ramthen Huttaw pawl nih biachahnak an tuah ning a lungtling lo. Mah biachahnak an tuahmi ah cun  Suu Kyi nih a co ding si na cuh kho lo tiah an ti.

Cucu a lungtling ve lo i tutan ah a cuh thannak hi a si. Tutan tu hi cu a dihlak co aa timh ngam ve ti lo, ka nu le pa inn le hmun hi kan zuar lai i kan hmuhmi phaisa cu zat ceo in kan i cheuh lai tiah a ti.  Cucu atu hi Naypyidaw Pyidaungsuh Hluttaw ah ca a tial cang. Nain zunglei nih zei an chimmi um rih lo.

Aung San le a nupi Khin Kyi umnak inn le hmun cu Yangon khualai Tekkatu Zeikta lam ah a si i an hmun no. 54 a si.

Aung San upa Aung San Oo hi ramdang ah a ummi a si nain heh tiah a nu le pa ngeihchiah inn le lo co aa tim pengmi a si. A chuah taak nak a sau cang caah co khawh ding cun a har ngai.

Hi kongah in micheu nih cun amah si lo a nupi thluak a si a ti mi zong an um ve. Zeidah an lawh te hnga?

BBC