Aung La Nsang ”Super Hero” tiah an ti nak a ruang (3)

Vawlei cung ah Super Hero timi midang nak in a thawng khunmi tampi an um hna. An hmuhmi phaisa zong a tam kho taktak. Cu Super hero timi lakah Kawlram MMA velhthiam Aung La Nsang zong aa tel ve. Atu lio ah ONE championship ah championship taisawm 2 cotu a si. Cun a tha a thawng i thiamnak hawi hlei a ngeih caah super hero an ti. Super Hero tiah an kawh nak a ruang bik cu, Aung La Nsang hi…

Khuaruahhar thazaang a ngei. Super Hero tiah Aung La an tinak a ruang pakhatnak cu hawidang nak in tha hlei zaanghlei a ngei ti si. Hawi dang nak in in tuar khawhnak, thazaang a ngei.ONE ah puai 11 aa thua i puai 1 te lawng a sung rih. Cu ah cun Champion taisawm 2 a co lehlam rih hoi. Mah teinak a hmuhmi puai 10 chungah puai 5 cu round khatnak ah knockout in teinak  a hmuh fawn. A mah bantuk hi ONE ah an um lo cu ruang cun Super Hero an ti nak si.

Midang caah rian tha  atuan. Aung La Super Hero an ti nak a ruang cu ram le miphun caah tian a tuanmi a si. A nih hi cinthlak le pawngkam thingram zohkheng nak lei a cawngmi a si bantuk cu a fimnak cu ram mi caah tha tein a hman khawh. Mi thahnem pakhat a si. Saram le Thingram caah rian a tuan. Cun a riantuanak zongah a hlawhtling fawn. Cun a ram le a miphun a dawmi a si.ONE champoionship he pehtlaiin Global Citizen caah zongah heh tiah rian an tuan hna. Cucaah pawngkam zohkhenh nak lei ah mifim pakhat a rak si.

Mipi nih an uar tuk. Mipi nih tha pek le uar timi hi thil fawite a si lo. Aung La hi a tanhmi le tha a pemi an tam taktak. ONE champion a si hlan hrim in mipi nih tha an pek tuk cangmi a si. Mipi lawng hlah Kawlram ram uk pawl Min Aung Hlaing, Aung San Suu Kyi ti pawl tiang nih tha an pekmi pa a si. Cu ruang cun Hero tiah an ti. Ref.mizzima