Aung La Nsang Nih Voihhnih Champion Taisawm A Ven Khawh Caah World Middleweight Raking No. 23 In 10 Ah Kai

Tuan deuh cun Aung La Nsang cu World Middleweight ranking an pek ningah no. 23 nak ah a um nain zahan zan ah MMA tei bal lomi Karaki a tei hnu ah voihnih bak te a comi world middleweight champion taisawn a ven khawh caah atu cu world ranking no. 10  ah a um cang.

Vawleicung MMA middleweight Top 10 ah aa tel cang tinak si. Zahan zan ah Lebanon champion le Middle East an cakei pathawng bak an timi Karaki cu round 1 nak minute 2 le 21 second ah Aung La nih Knockout in a tei caah tha tein a taisawm a ven khawhnak si.

Aung La nih teinak a hmuh hnu ah hitihin Kawl media sin ah a chim,

“Kaa lawmtuk mu, cun kan dihlak nih teinak kan hmuh nak hnga tiin kaa zuam bak ve. Zarh 10 chung din lo tein training ka la peng. Kaa zuam. Cun tha a ka pemi tampi an um. Thla a ka cam piaktu tampi an um hna. Nan dihlak cungah kaa lawm. Kan dawt hna, hi bantuk teinak timi hi kan dihlak caah a si. Cucaah cun kaa lawm tuk ve tiah a ti.

Mohammad karaki cu MMA ah puai 9 aa thong i a sung bal lo nain zahan zan ah Aung La kut tumin a sung ruangmang ve. Aung La nih voihnih khengte a champion taisawm a ven khawh caah Middleweight world raking no.23 sinak in no. 10 ah a kai cang.

lawmh um taktak.

Ref:VOA