Aung La Nsang nih Laimi cung ah a lunglawmhnak chim

Laimi nih Aung La Nsang tha kan pek ning cu a mak lawlaw, amah Aung La hmanh aa lunghmuih tuk cang i a lunglawmhnak capar zong zapi hmuh bak in Facebook cungah a tial len ve cang. A tialmi cu, “hi tluk hin Kawlram khuate pawl nih tha an ka pek, 100 % bak tha an ka pek an cungah kaa lawm, dawtnak an ka ngeihmi cungah upatnak ka pek hna tiah a ti. 

Nai Japan ram Aung La aa thuat ah khan Chin ram thlanglei Matupi Peng khuate pakhat  TV ,Video tam um lonak khua  Mei zong a hmu lomi hna nih tha an pek ning cu amak ngai. Video zoh awk le mei ngei hna inn ah Aung La aa thuatnak cu an zoh. Video cu thlalang awng ah an chiah i khuami hna nih cun leng lei bak in an khuapi ti awk in an zoh ko.

Cucu Online ah a hung lar i amah Aung La tiang nih a hmuh nak a si. Tha an pek tuk, teinak a vun hmuh tikah khuami pawl an i lawmh ning cu khuaruahhar lei si. Aung La an rak tanh tuk cio ti a lang. Anmah lawng si lo kanmah chak lei ummi Laimi siseh ramdang phan Laimi zong nih kan tanh cio kan unau kan thisa taktk ah kan ruah cio ko.

Note: Chintaungtan le taungzalat timi page ah video in zoh khawh si. Ref;Aungla