Aung La Nsang, ” Kawlram Limpi Ka Sinak Vawlei Mi Vialte Ka Hmuhter Hna Lai, Timhcia Ka Si Cang,”

Caan rau lo ah an i thua cang lai. Aung La Nsang nih tuzan an i thuat lainak puai kongah hitihin a chim. Kawlram Limpi (Burmese Python) timi cu vawlei pi nih an hmuhnak hnga  timhcia ka si cang. Hawikom nan dih lak lawmhnak zarh ah cang hram seh tiah a pumpak fb timeline bak ah zapi sin ah a phuan cang.

Cun a chim rihmi cu kan tarmi a hmanthlak i langmi pawl hi a trainer le team pawl an si hna. Hi bantuk team tha le trainer tha ngeimi ka si tiah ti.

Tuzan hi zandang bantuk si deuh lo. A ralpa  Karaki hi MMA ah hohmanh nih tei bak rih lomi pathawng a si ve. A taksa zong a tut bak, a thazaang a thawng fawn. Aung La hrimhrim nih Karaki cu midang bantuk a si lo. A thazaang thawng bak mi si. Nain round thum chungah ka tei lai tiah  nizan bia an halnak cun a chim.

Karaki zong hi pathawng a si ve i sung puai ngei lo te a dirhmun hi ven khawh aa zuam ve theo lai. Cun Aung La zong a ram mipi hmai ah si lai i a champion tawisawm run ven khawh le feh te tleih khawh aa zuam lai tikah tuzan puai cu puaici puaikong bak si lai.

Anmah pahnih zong an tha tho ngaingai.  Zoh khawh cio kan i zuam lai. Aung La tu nih cun Kawlram limpi timi cu vawlei nih an hmuh lai tiah a ti ve.