Aung La Nsang, ” Ka ralpa Karaki cu round 3 chungah ka tei lai,”

MMA ah puai 33 aa thong i puai 23 teinak hmumi Kawlram limpi Aung La Nsang cu thaizan ah Lebanon pathawng MMA ah a sung bal lomi Karaki he an i phomh tak cang lai. Nizan ah pumpak tonnak an tuahter hna.

Cu ah cun Aung La nih Media hna sinah cun ka ralpa Karaki hi round thum chungah tei khawh kaa zuam lai tiah ti.

Cun a chim rihmi cu a tutan puai kongah tihmi le phanmi zeihmanh a um lo. Thongh dingah timhcia bak ka si cang tiah ti. Kum 33 a si cangmi Aung La hi MMA ah puai 33 aa thong i puai 23 teinak a hmu. Puai 10 a sung ve. A kum zat bak aa thong tinak si.

A ralpa Karaki tuhi MMA ah puai 9 aa thong i teitu an um rih lo. A puai 9 ningin teinak a hmu. An pahnih in an thawng veve nain MMA ah cun Aung La hi hmuhtonmi tam deuh tuk a ngei. Karaki hi Aung La tluk in hmuhtonmi a ngei lo.

Thaizing zan suimilam 6:00 in puai an thawk lai. Aung La le Karaki hi a donghnak ah an i thua te lai. Tha pe cio u sih. Tutan hi Aung La caah a kheng cu savo a ven lai. Middleweight champion taisawm runvennak puai asi lai caah a biapi tuk hringhran.

Ref. 7daytv