Aung La Nsang Dar Milem An Sermi 50% An Lim Cang

Aung La NSang milem an sermi cu hnarcheu 50% an lim cang. Kan i tinh ning bantukin December thla chungah onnak tuah khawh si ko lai tiah AungLa Milen sernak committee ukkathah ZaLuan nih a chim.

Aung La Nsang milen an sernak cu Myitkyina khuapi chung anmah Kachin pawl nih an nunphung puailam an tuah tawnnak Manau hmun ah a si i AungLa milem cu a san pe 6 le lehma 9 si.

AungLa milem an sermi cu AungLa nih champion taisawm aa put lio a si lai. September thla ah khan ser hram an thok i atu ah hnarcheu ti awk an lim cang. December zarhhnihnak ah cun onnak an tuah lai.

Mah onnak ah cun AungLa pumpak ra i onnak a tuah lai tiah milem sernak lei lutlai Za Luan nih cun a  chim.

“AungLa milem sernak ah hin  auh-khan foundation le milem lei tuanvo latu tiin phun hnih in kan um hna. Auh-khan foundation lei nih 50% an lim cang i cun milen a zuktuh lei nih 35% an lim ve cang tiah an lutlai hna nih an chim. Hi AungLa milem sernak dingah hin Kyats sing 300 tluk a dih lai.

A rauh hlan ah Aungla zong  aa thua than cang lai. Ngeih um taktak.

Ref.MSportinfo