Aung La caah tihnung ko cang, Heavyweight champion pa nih a zuamcawh (singkhaw) colh

Tihnung bak si cang. Kawlram Limpi (Burmese Python) Aung La nih voihnih tiang world middleweight champion taisawm a hmuhmi a runven khawh hnu ah atu ah cun ONE Championship ah pathawng bik timi le tulio ONE championship Heavyweight champion simi pa nih Aung La cu a ra laimi Japan ram thonghnak ah Light Heavyweight taisawm cuh dingin a zuam cawh.

 

Aung La caah tihnung bak si . Middleweight champion cu a ven khawh nain Light heavyweight taisawm ven khawhnak dingah cun a har taktak cang lai. Amah pound ching lo pi he an i thua te lai.

Biatak in a khing (weight) kai ter a hau i a ralpa a zuamcawhtu pa tu cu a weight a tlak ter hau ve. Mah Aung La zuamcawhtu pa min cu Bradon Vera a si  a thawng taktak khi si ko.

A ngan fawn, athawng fawn. Tulio teitu an um rih lo. An chimnak cun Mah Brandon Vera le Aung La cu hmaikum March thla ah Japan ram Tokyo ah tuahmi ah an i thua te lai. A nithla an chim ningah March 31,2019 ah si lai an ti.

Amah Aung La hrimhrim nih a ra laimi puai cu puaici puai kong a si lai. Kawlram ah si ti lai lo nain tha ka pe rih ko uh tiah a ti len. Biatak in aa zuam taktak hau lai. Champion taisawm 2 tleih le ken hi thil fawi a si hrimhrim lo.

Zuam cawhtu an um caan poh ah i thuat bak hau fawn.

ref. Kachin updatenews