Atlangval pa he caan hman tti dingin afa le pahnih kum 3 zawng atling rih lo mi hna cu ni9 chung bak rawl loin achiah hna I akal tak hna

Nu sual tiah an timi nu nih hin afale hna kum 3 zong atlin rih lo mi hna cu ,an inn in achuak tak hna pinah rawl pe loin nikua hrawng atlangval pa he caan nuam an hmang tti,afa le cung i athil tuah mi ah hin zeihmanh I phuhrunnak le ningzah nak zawng angei loin ani sawh sawh huar ko.Afale nak in atlangval pa aduh deuh soumau ko rua hih. Vladislava Trokhimchuk hi kum 23 asi i,mah hi ti a um ruangah hin afapa cu rawltam in athih ter ruangah lainawng case an tuah piak.

A fapa kum 2 hrawng I upa mi cu athah tiah sual puh in ,a fanu Anna zawng amah ruangah athi dengmang in a um,rawl ei loin achiah hna caah zeihmanh thei loin a um ruangah  sizungah rian rang in an kal pi i anunnak cu an chanh manh. Report nih achim ning ah cun ,afa le hna hi an rawltam tuk nak ah  um tu ning zawng an thiam ti lo I,catlap(paper) hna cu an ei pinah anmah ek lila zawng an ei an ti. Cun news cheukhat pawl nih an langhter ning ah cun mah nu Vladislava nih hin afa le hna cu ngandam lo ngai in achiah hna.

An hmanthlak cu internet lei hna ah chiah in,midang sinin bawmhnak ahal duh ruangah asi tiin achim. Afa le hi an rawltam tuk caah vampang hna ei an I timh i,vampang an seh nak Ha neh pawl zong an hmuh. Mah thil hi nikum lei pi I acaang mi asi ko nain,caan saupi an hlat hlai hnu longah court nih hin sual an phawt hi asi. Afanu Anna zong hi atu ah cun angandam nak zawng atha ngai cang tiah an chim, Anna zong hi midang nih an fa caah an lak zau lai tiah an ti.

Vladislava nu hi court hmai ah cun I chir ngai bantuk tein ai tah ter i asi nain cu nih cun abawmh khawh lo pinah thathnem nak pakhat hmanh anei ti lo. Afa le kong kau ah hin I chir ngai in amithli ai tlak ter i,lenglei ah cun mi he an i chonh zong ah zei poi lo tein ani hruarmar ko.Mah cu ti a um lio cu an rak hmuh i,court nih cun sual phot in kum15 chung thongtla dingin bia chahnak an tuah.