Asia Bibi Cu Muslim Pawl An Buai Tuk Caah Luatter A Si Tthan Lo

Ni li ni ah khan Asia Bibi cu hri in thlai ding an rak timi case in luatter a si tiah Paskistan ram i Supreme Court nih a phuan. Asia Bibi hi a chung le nih thonginn in a chuah bakin ram dang ah kuat ding a si nain a tu hi Supreme Court nih a biakhiahnak let a timh tthan tiah an chim.

Kum 10 chung a chim lomi bia chim bantukin an pug ruangah thonginn ah an chiah hnu ah Muslim pawl nih hri in thlai an suh nain Supreme Court nih thlai loin luatter dingin biakhiahnak a tuah i cu ruangah cun Muslim party phun phun an buai i an mipi hrim hrim an buai.

Nizaan ah Lam ah a khat in an khat i “ hi nu nan luatter a si cun Pakistan ram ah thisen a luang lai ” tiah an aupi. Hi ruangah hin zung le sianginn vialte zong an khar dih hna fawn. Hi ruangah hin Supreme Court zong nih Asia Bibi luatter dingin a biakhiahnak a tuahmi kha let tthan a timh.

Source: thechristianpost