Anmah Kachin Miphun Thilthuam I Hruk In Champion Taisawm Vennak Puai Thongh Dingah A Kalmi Aung La

Miphun le ram a tanh i a dawmi minung cu zeibantuk an si hmanh ah upat le thangthat an tong zungzal. Mi tampi cu mah le miphun aa zahpi mi an um len lioah Burmese Python Kawlram Limpi timi MMA pathawng Aung La nih cun a miphun aa zahpi bak lo.

A nun uar um taktak. Cawntlak zong si. Tuzan ONE Championship nih an tuahmi MMA thonghnak ah Aung La cu a tleihmi middleweight champion taisawm ven ding si. Puai a rak chuahnak bak ah zeidang thilthuam i hruk lo tein anmah Kachin thilthuam he a chuak.

Uar um hringrhan. Kawl tampi nih an thangthat. Champion taisawn ven dingah Aung La cu Kachin Longkyi i venh in thongh dingah a phan cang an ti.

Aung La nih miphun le ram a daw bak, a tanh fawn. Zahpi cu a hlat tuk. Nihin ni tiangah Kawlram a tanh peng rih, a tak cun US rammi sinak a ngei cangmi si nain Kawlram min pu in MMA aa thongmi si. Hohmanh nih US pa an ti lo, Kawlram pa an ti peng.

Zeicahtiah a thinlung ne tein a miphun le ram a tanh. A chuahnak Kachin miphun  a sinak zong aa zah pi lomi si.

Cu lawng hlah a biakmi Pathian zong a zah pi bal lo. A Phanhnak kip ah a lawmh zungzal. Teinak hmuh caan zongah Lawmhbia a chim zungzal.

Cucaah Aung La nih zahpi lomi thil 3 a um,

-a biakmi Pathian,

-Kawlram

-Kachin miphun