AA sakhan Kawl ralkap nih an lak

Kawl ralkap lei nih thawng an zamh ning ah AA ralkap pawl nih raltuk an cawnnak sakhan cu kan lak piak hna tiah an chim. Cu ti an laknak hmun cu Rakhine ram then chaklei MyukOo pengkulh chung ummi a si i AA pawl nih raltuk an cawnnak training an kainak hmun a si tiah theih a si.

Cu AA raltuk cawnnak sakhan cu kan lak khawh , hi Myuk Oo peng um AA pawl nih hin an sakhan pawng ummi Khuami pawl zong a phunphun in an thihpheih tawn hna, April 13 ni ah sau ngai kan i kah hnu ah kan lak tiah anmah Tatmadaw Kakuazi zung lei nih nizan April 14 ah khan thawng an thanh. Mah AA sakhan an laknak cun AA nih raltuk an cawnnak hi an hmanmi thing seih meithal le kut cheh bawm pawl tampi an lak. Mah belte sakhan laknak ah a thimi an um maw ti cu theih a si lo. Cun hi kongah hin anmah AA lei nih zei bialehnak zong a um ve rih lo.

Nihin ni tiang ti awk AA le Kawl ralkap kar ah kahnak hi daih dawh a si ti lo. An i kaap in an i ral peng ko. AA lei zong hnu ton an i tim ve lo Kawl ralkap nih le Rakhine ram hmunhma kip lo in an bawh ve hna. I kah peng si ko atu tiang cu.. hmailei ah zeidah an lawh te hnga. Ref:Elevenmedia

Be the first to comment

Leave a Reply

Your email address will not be published.


*