AA nih Kawl ralkap 1000 kan thah cang hna an ti

Rakhine ram chung AA ralkap le Kawl ralkap kahnak ah Kawl ralkap lei 1000 tluk kan thah cang hna tiah AA lei nih thanh ca an chuah. Cucu Kawl ralkap lei nih an cohlang kho ve lo. A si kho lomi a si, an i kah ning le a hmunhma zoh tikah 1000 tluk cu an thi kho lo tiah Kawl ralkap lei in Bohmuchoh Zaw Min Tun nih a chim.

AA ralkap nih an chimmi cu Rakhine ram chaklei Myone 6 chung Kawl ralkap le AA i kahnak ah siseh cun Paletwa ram chung kahnak ah tukum chung thla nga May thla tiang kahnak hin Kawl ralkap lei hi 1144 an thi hihi 2019 January thla in May thla tiang cazin kan hmuh khawhmi a si tiah June 8 ah thanhca an chuah.

HI kongah Kawl ralkap lei in Bohmuchoh Zaw Min Tun nih cun, ‘hi bantuk cu a si kho lo. ka chim khawhmi cu AA nih an chim mi hi then 10 ah then khat bel si hnga maw. Zeicatiah AA le kawl ralkap i kahnak ah zeizat dah an thih timi hi kap hnih lei in thawng thanh le a thimi zat zong tha tein cazin lak a si bal lo. An i kah ti tiang lawng hi cazin ah khumh a si tawn i si ko tiah a chim.

Sinain anmah AA lei in Khain Thu Khah nih a chim ve mi cu hi kong hi a dik lo ti khawh a si lo, AA lei nih zeibantuk media le thawngzamh cherhchan in an chuahmi cu a si lo taktak, sinain ral kap bawi hna nih an mithmuh kuttongh in a cnagmi an chimmi a si ko tiah a chim ve. Ref”theirrawaddy

Be the first to comment

Leave a Reply

Your email address will not be published.


*