A sual taktak mipa nih kum 6 nute cu sualpi duh ah ramlak ah kalpi i thah beh

Cu tluk sual cu dah, minung lungthin maw a ken hnga lo ti awk in um ko. Kum 6 nute cu kum 25 pa pakhat nih theihhrem duh ah ramlak ah a lem riangmang i a thah beh. Hi ti thil a cannak hi Kawlram Miek khua chung ah a si.

Thil sining cu hiti hin a si, Oct. 24 zinglei ah Sia Kyi timi pa nih an riantuannak chungah a ra pengmi kum 6 nute cu ram lak kal usilaw theitlai kan lawh lai tiah a lem . Cu ti cun ramlak cun a kalpi.

Nute cu inn a tin ti lo tikah a nu le pa an khuaruahhar tuk cang. Cu tikah minu te a hawile pawl an hal hna tikah Sia Kyi nih theitlai lawh ah ramlak ah a kalpi tiah an ti. Cu tikah  nute a lem soitu pa cu an hal tikah an kalnak hmun ah an auh cu ngakchia nute cu a pum ah hmazung he a ruak in an hmuh ai.

Minu a lu le a hnawng hrawngah hma fak a um len. Ngakchia nu tleihhrem a timh i ramlak a au tu pa cu Oct. 24 lila ah palik nih an tleih beh i pohma 302 in a hmuh an phunh piak. Ngakchia nu a thattu pa hi zu a ding ngaimi a si an ti. Meik khauchungah a hawile he kyauk pia a tuanmi a si.

Nute zong hi atu le atu an sin ah a kal pengmi a si. Neihniam ngaiin a ummi an si tiah mipa a hawile nih an chim.

Nute hi tleihhrem a si le si lo theih a si lo nain ruahnak ah a tleihhrem rua lo an ti.

Ref. MMIZZIMA