A paw chung ah bawlung (ball) fa tete cu doctor Pa nih a hmuh tikah a lau ngai

Kum 14 a si mi Xiao Shen cu milk tea a si mi bubble tea tiah an auh mi nih cun a suai tuk tikah ding loin nikhat te hmanh a um kho lo I, cu a suainak ruang ah cun sekhan tiang in a phan. Sekhan ah a va phak tikah sibawi pa nih a zoh tikah cun a paw chung ah 100 leng bubble tea cu a hmuh I, a paw ril ah an I benh tiah a chim.

Tuchan ah a lar ngai mi tea a sii a thawt pinah a uar tuk mi tea a sinain cu a uar tuk mi nih cun sekhan tiangtiang in a phak ter. Bubble tea cu thawt ning (flavour) hi a phunphun in a um I, cu ah cun tapioca ball an ti mi a tel chih cu hna cu “pearls” si lo le “boba” tiah an auh. Khai tikah a bang pah mi a sii, a chuahnak hi Cassava thing in a chuak I, rawl meh a khal deuhnak ding caah an hman mi a si.

Chinese media Shaozing News nih a chimnak ah cun, Xiao Shen nih hin a nulepa sin ah ka paw fak tiin a chimh peng hna tiah a chim. Kan hnung thla hrawng khan a paw cu a puar I, ni nga chung pawng ah a kal kho lo I rawl zong a ei kho lo tiah a chim. Siibawi Pa nih cun hi bantuk din ding bubble tea hi, a khai a nuamh pin ah coffaine a tel mi a si ruang ah suai awl te mi a si tiah a chim.ref:news.com.au

Be the first to comment

Leave a Reply

Your email address will not be published.


*