A mak ko, mipa a ruak an vui lai bak ah a nungin a chuak than

A mak taktak, a thi cang tiah an ti i a ruak zong thlan ah vui ding a si cangmi pa cu a chungkhar le a ruakthahmi hna an hmai ah a langhthan caah mipi an lau dih ko. An tih ngai chinchep rih.

Hi thil hi Paraguay ram ah a cangmi a si. Kum 20 simi pa Ramon cu  kum caan saupi inn a chuak ti lo, cu tikah a chungkhar le hawikom rual zong nih mithi cazin ah an chiah cang.

Nikhat cu palik nih mei nih a kangh thatmi ruak pakhat an hmuh ai, cucu a tlaumi pa Ramon hi a si ko tiah an ti. Cu ti cun chungkhar lei zongnih Ramon ah an rel ve ko.

A chungkhar nih cun Ramon hi sii tha lo hna a tong i an thahmi si ko lai tiah an ruah ve. Cu tikah mah ruak an hmuhmi cu palik le chungkhar lei lungtlinnak he vui ding in an timh tuah

A ruak cu thlan lei ah vui dingin an kalpi cuahmah lioah Ramon cu inn a rak phan ai. Nungdam tein a phanh than tikah an hmuh ka cu mithla ah an rel i an tih dih.

A chungkhar tiang nih an tih nain minung taktak a si kha an theih than tikah an i lawm taktak. A thi rua an timi kha a rak thi lo, cun mi ruak an hmuh mi kha midang tu a rak si.

Paraguay ram ah cun Ramon thawngpang cu a lar taktak. A thi i a nung than mi bantuk ah an ruah cio.

REF>SM