A lu tein chang a zuar i a fapa a zohkhenhmi Mon kum 80 nu cu Thai TV channel pakhat nih phaisa tam taktak laksawng an pek

Nifatin a lu tein chang a zuar i a fapa a dam lomi a zohkhenhmi Mon kum 80 nu cu Thai TV channel pakhat nih laksawng an pek. Mah Mon nu hi kum 80 bak si cang. Nain an harsat tuk ruangah nifatin a lu tein chang cu a ton i a zuar zungzal.

Cu ti te cun a fale a cawm hna. Cu Mon nu cu Thai workpoint TV Channel Super 60 nih laksawng an pek. Mah laksawng an peknak cu Thai mipi tam taktak nih an zoh len.

A  kong athei i a hmumi poh nih an lawmh cio.  Tunai Oct. 28 ah khan mah Mon tarnu thil tuahmi le a riantuan ning cu langhter nak an ngeih.  Amin ah Daw Yin a si. Kawlram Mon pyine chuak a si nain Thai ram ah a pemmi an si.

Amah nih a fapa kum 30 tlukmi hnachet pa cu a cawmken rih. A fapa zong cu Thai ram nitlak lei a ah a um ve.

A fapa hi a caan cun mah hgal lo tibantuk hna in a um mi a dam lo ngaimi a si. A zun eknak zong pipe in hrolh chommi a si.

Mah mon tarnu pasal tu cu a luancia kum 6 lioah a thi cang.  Fa 8 a ngei nain inn dang an chuak dih, mah cawm kho fang lawng an si an nu an zohkhenh kho cio lo.

A fapa dam lomi hi thla khat ah voi 4 peng siizungah kalpi a hau. Sii man hi siizung voikhat kal ah Thai Baht in 2000-3000 a dih peng hoi.

Chang a zuarmi hi nikhat ah Baht 100- 200 a hmuh tawn. Mi then khat nih chang cawk theng lo zong in phaisa an thenh tawn.

A thil tuahmi pawl cu mi nih an hmuh tikah King Power nih a fapa sii thlawpnak caah Thai Baht 55500 an pek. Cun  a leiba 8000 zong kan chan piak lai tiah an ti rih. Cun chang reu nak electric bel pakhat ka herh a ti i cu  zong cu an cawkpiak rih.

Zaangfah taktak a si.

Ref. DVB