A hnuk chungah silicon aa chiahmi nungak nu cu vanlawng aa cit lio pi ah kuai

Tuchan nungak nih an uar ngaimi cu dawh duh ah hmai operation tuah i remh le hnuk chungah silicon chiah a si. Mi thenkhat cu an zawtnak he aa tlak lo caah a thimi zong an um len. Cu lakah Vietnam nungak pakhat zong a hnuk chungah silicon aa chiah ve, cu bu cun vanlawng aa cit.

Vanlawng aa cit lio pi ah a hnuk chung chiahmi silicon cu a kek. Tihnung taktak khi si. Amah nu cu Maitunvi an timi si.

Hlasak thiam a si. Oct. 22 ah khan Thaiwan in an ram lei a kir ah vanlawng cungah a hnuk a keh hi a si. A kam thumi nih cun a thutnak pakhatkhat a awn i a si rua tiah an ruah.

Cu tikah minu nih cun a hnuk fah a celh ti lo, a rak tuar ziar cang i fah dam si a din piak ve. Vanlawng a tum sin in siizungah a kal colh i, siibawi te nih an zoh tikah na hnuk chung ummi silicon a kuai an ti.

A rak  chiahmi silicon hi man fawi man, kuai fawi a rak si ai. Maituvi nih a hnuk aa hlai i silicon aa chiahnak hi kum 7 tluk si cang. $ 2000 in a rak i tuahmi asi. Vanthat ah tha tein a hnuk chung kuaimi silicon cu an chuah piak khawh cang.

Hnuk chungah hi bantuk silicon i chiah hi tihnung takmi si. Nu simi nih cun hi bantuk hi tuah lo ah tha bik.

Ref. Worldofbuzz