A hawi le ciacia nih an thah, a ruak lamkam ah an chiah

Kawlram mi hi ramdang zongah an sual taktak. Anmah le anmah an i thah hi a tlawm te ti lo. Tutan zongah Thailand ram ah hmunkhat rian a tuanmi Kawlram pa 4 nih an riantuan ti hawi simi cu an thah ai. Mi thatu Kawlram pa 4 zong cu Thai palik nih an tleih beh ve hna.Mi thatu pa 4 le an thahmi pa 1 hna hi hmun khat teah FU dum ah rian a tuan ti mi an si hna. ParatatChain  FU dum ah rian an tuan hna.

An i thah nawn ning cu hitihin a si. May 10 zanlei suimilam 5:00 tluk ah khan rian an tuan dih hnu ah hmun khat ah zu an ding ti hna. Cu ti bia an i ruah hna hi U Maung Oo timi pa nih a hawipa YuYin timi pa a nupi cu nupa sinak tuah pi ka duh tiah a chim ai. Cu tikah YuYin cu a thin hung ciammam i a hawile 4 he tiin U Maung Oo cu an thah nak a si.U Maung OO ruak cu Lamkam Thingkung tang ah Palik nih an hmuh.

Mi that Kawlram pa 4 hna cu an zam nain an dihlak in an tleih khawh colh hna. Pathum cu FU dum ah an i thuh nak hmun ah an tleih hna. Pakhat cu hmun dang ah an tleih ve. Mi thattu hna zong hi kawlram mi lawng te an si ko. A poi ngai.. Thai ram ah Kawl mi an mah le mah aa thatmi an tlawm te ti lo. Ref: Bangkok post, Duwun