a fate thah i a cancer thlawp a duh lomi nu nunnak liam

England rammi Gemma Nuttall an timi cu nau a pawi zarh 16 nak ah siibawi te nih nau inn cancer na ngei tiah an ti. Cu tikah Gemme caah thim ding pahnih a um, a nau  thah i cancer thlawp le cancer thlawp lo in nau hrin  timi a si.

Cu chinchap ah Gemma te chungkhar cu mirum zong an si hoi lo. A pa zong nih a thih taak cang hna i hringtu a nu Helen Sprorates he lawng khua a sami  si. Cun zeitluk in dah a vanchiat ti cun Gemme nih nau a pawi cancer a ngeih tikah a pasal Alex cu i um ding in a hal nain ALex nih a duh ti lo. Cu tikah Gemma nih cun single mothar pasal lo in fate cu ka cawm  lai timi biathlehnak a ngeih.

A cancer ngeihmi thlawp nak dingah cun a nau hrawh hrimhrim a herh. Cu lo ah cun a cancer thlawp khawh ding si ti lo. Cucu Gemma nih cun a duh lo, a cancer thlawpnak ding i a fate thah hnga kha a duh bak lo. Cu tikah a naute cu 2014 march 24 ah khan tha tein a hrin ve. Fanu te a si i Penelope tiah an ti.

A fate a chuah hnu thla 4 nak ah Gemma cu a cancer aa thlawp. Chemotherapy aa thleih. Cun a nau inn zong cu operation an tuah. Siibawi te nih a dam cang an ti nain vanchiat taktak ah Gemma cu 2016 ah a thluak le a cuap ah cancer zawtnak an hmuh than hoi.

An chungkhar nih an chei ti lo caah Gemma a nu Helen nih online tiangin a fanu caah bawmhnak a hal len. GoFundMe timi website hmangin a fanu dam lonak kong cu mipi sin ah a thanh. Cu ah cun vanthat ah Titanic zuksin mintami tuanmi Kate Winaslet nih Gemme cu $ 450000 bak te a rak bawmh.

Mi dangdang sin zongin bawmhnak a hmu i cu ti cun cancer cu tha tein aa thlawp khawh than nain zeidang dang ah cancer zawtnak a chuah than len ko caah vawleicung cancer lei thiam bik timi Germany ram ah a kal nain an thlawp kho ti lo in tunai Oct.14 ah khan Gemma cu a thi.

Ref> Daily Mail, NYPost