A caan cun an tha thulh, Ralkap pawl nih tlangcungmi (180) an zawtnak man lo in an thlawp hna

Kawl ralkap pawl hi rak huat dih awk an tha ve lo. A caan cun ram mipi humhimnak rian an tuan lengah mipi harnak ton tikah a petzuang hmasabikmi an si. Cu lakah nihin Jan. 10 ah nichuak lei sitthannachoh simi ralkap pawl cu an i hawk i Kaya Pyine Pharusu Myone khuate mipi pawl cu hmun khat ah an pumh hna i an zawtnak an zohfel hna, mipi pawl an zawtnak he pehtlai in man lo tein an thlawp beh hna.

Cu ralkap thlawp mi hna hi an dihlak ah minung 180 bak te an si i zunthlum, thikai, kalfah, pawpi fah, taangfah, lufah, mit, ruhrua lei fahnak, haafah le cuap, cun takvun lei zawtnak ngeimi pawl cu man lo tein an thlawp hna tiah theih a si. Kaya Pharusu myone um mipi pawl zong an i lung hmuih ngaingai.

Cucaah cozah ralkap hi 100 ah 100 tlangcung mi nih huat ding le ral ding cu an si dih ve lo. Mi tha tampi an um bantukin mi tha lo zong cu an rak um ve taktak. Atak cun tlangcung an kan kahmi hi cunglei an bawite nawlpekmi a si caah bawi te tih ah ral an doh tawnnak si ko. Cu ti vun ti tikah ralkap tanh bia si lo. Hi bantuk mipi caah thatnak a tuahmi cu ralkap lawng hlah mi zei an si zongah upat tlak an si. Crd. Phulamin,Lwekaw