2015 Hakha Hartong Bawmhnak Tangka Sing 6000 Chin Ramkulh Cozah Sin Ah A Tang Rih

Kum 2015 lio Hakha puicimh ton ruangah har tongmi bawmhnak tangka sing 6000 cu Chin ram cozah sinah a tang rih ko tiah Pu Thla Thawn nih the Hakha Post sin ah a chim.

Pu Thla Thawn hi Hakha Khuanu Khuapa ngunkeng (Treasurer) a si. A chimmi cu, 2015 Hakha puicimh ton lioah bawmhnak hmuhmi hi Kyats sing 8000 tluk a si. Cu chungah cun sing 2000 lawng hi hmanmi a si. Sing 6000 cu Chin ram cozah sinah a tang ko. Hi sing 6000 cu ruah lo piin lei minh, tlangcimh tong than usilaw rianrang bawmhnak pek dingah kan khon mi a si tiah an ti. Hmailei ah a cangmi cu hmailei ah tawlrel ding si ko.

Chin ram cozah sinah hartong bawmknak hi zatzat um zong hi a phung si lo tiah the Hakha post ah Pu Thla Thawn nih cun a chim len.

2015 kum tlangcimh in hartong bawnhnak thilri le facang cheukhat zong a rawk dih cang caah motor pali panga in an hlonh hna tiah an ti.

Catialtu belhmi : Hartong bawmhnak cu hartong caah hman ding si ko. Atu tiangah ti le mei hmanh thitha in an hmu rih lo. An lam le sil pawl zong tha tein tuah piak ding an si. An bawmhmi hna then 4 thenkhat lawng poi an hman rih ko cu, atam u bak an i chiah. A si tak cun zohdawh lo tuk si.

Ref.The Hakha Post